«Җиңү!!! Без чемпионнар!!! Әйе! Әйе! Тагын бер тапкыр, әйе!!!

9 апрель көнне Татарстан Республикасы мәктәп волейбол лигасы, «көнбатыш " зонасы уеннары узды. Ярышларда ТРның төрле районнарыннан 8 команда катнашты: Буа, Югары Ослан, Кама Тамагы, Апас, Чүпрәле, Тәтеш, Кайбыч һәм, әлбәттә, Яшел Үзән! ☺Барлык командалар да бик яхшы әзерләнгән, матур һәм мавыктыргыч уен күрсәтте.

Финалда безнең кызлар һәм Кайбыч районы Федоровка урта гомуми белем бирү мәктәбе командасы очраша (узган елгы чемпионнар). Нинди кызу уен иде бу!!! Авыр көрәштә безнекеләр 2:1 исәбе белән җиңү яулады.

Турнир нәтиҗәләре:
1 урын - Яшел Үзән районы Нурлат урта гомуми белем бирү мәктәбе;
2 урын - Кайбыч районы Федоровка урта гомуми белем бирү мәктәбе;
3 урын - Кама Тамагы районы Кама Тамагы урта гомуми белем бирү мәктәбе.

Исегезгә төшерәбез, мәктәп волейбол лигасының мәктәп этабына 800дән артык команда заявка биргән була, әмма хәзер алар нибары 6 гына калды!
Тиздән, май аенда, финал уеннары узачак.

 Шуңа күрә, ял итәргә һич кенә дә вакытлары юк. Норлат мәктәбе командасына бары тик уңышлар телибез!!