Татарстан Пенсия фондының клиентлар хезмәтләре элеккеге режимда эшләячәк

Озын ял көннәре игълан ителүгә карамастан, республика Пенсия фондының клиентлар хезмәтләре элеккеге режимда, 1, 2 һәм 3 ноябрь көннәрендә алдан язылу буенча эшләячәк.

Исегезгә төшерәбез, Пенсия фондының барлык хезмәтләрен дә диярлек, өйдән чыкмыйча гына, гражданинның шәхси кабинеты аша алырга мөмкин. Шулай да, фондка шәхси барырга кирәк икән, кабул итүгә алдан ук гражданинның шәхси кабинеты аша яки контакт-үзәгенең 8-800-6-000-000 телефон номеры буенча язылырга кирәк.

Шунысын да билгеләп үтәргә кирәк, барлык түләүләр дә, бернинди үзгәрешләр кертелмичә, китереп бирү оешмаларына күчереләчәк.
Ноябрьнең бәйрәм көннәрендә, почта бүлекчәләре аша пенсия алучыларга түләүләр, ял көненә кадәрге эш көнендә китереләчәк. Кредит учреждениеләре аша алучыларга түләү графигы үзгәрми.