Кагыйдәләрне җәяүлеләр дә үтәми, машина йөртүчеләр дә

Автор, 20 август 2020 - 07:39

500

Яшел Үзән ЮХИДИ бүлеге хезмәткәрләре 2020 елның 18 августында, гражданнарның куркынычсызлыгын тәэмин итү максатларында, Ленин урамының 18 нче йорты янында, юл хәрәкәте кагыйдәләрен бозучы җәяүлеләрне массакүләм тикшерү буенча профилактик чара үткәргән.

Кагыйдәләрне җәяүлеләр дә үтәми, машина йөртүчеләр дә

Алар тикшерү барышында кагыйдә бозган 5 җәяүлене ачыклаган.
Шулай ук 1 машина йөртүченең үзе белән машина йөртү таныклыгы булмаган, 1 машинаның номерлары күренмәгән һәм тагын берсе телефон аша техник чаралардан файдаланмыйча сөйләшкән.

Бу көнне инспекторлар Заикин урамына да рейдка чыккан. Монда җәяүлеләргә юл бирмәүче машина йөртүчеләрне тикшергәннәр.
Тикшерү барышында кагыйдә бозган берничә машина йөртүче ачыкланган: әйтик, икесе куркынычсызлык каешын эләктермәгән булса, икесе җәяүлеләргә юл бирмәгән, 2 машина йөртүче тонировкаланган пыялалы автомашина белән идарә иткән, 1 машинаның дәүләт билгеләре укылмаган һәм тагын икесенең машиналарының төзексез булуы беленгән.