Бүген Татарстан Республикасы прокуроры Илдус Нәфыйков Норлат балалар йортында булды. ⠀

Татарстан Республикасының Яшел Үзән районы Норлат авылында «Норлат балалар йорты» - ата-ана тәрбиясеннән мәхрүм калган ятим балалар өчен дәүләт мәгариф учреждениесе. Учреждениегә ТАССР Мәгариф комитетының 1942 елның 18 сентябрендәге боерыгы нигезендә блокададагы Ленинградтан эвакуацияләнгән балалар өчен оештырыла. ⠀

Хәзер балалар йортында 12 тәрбияче һәм 13 педагог эшли. Тәрбияләнүчеләр саны - 35, шул исәптән мәктәпкәчә яшьтәге балалар - 4. Төркемнәр саны - 4. Төркемнәр оештырганда туганлык элемтәләре исәпкә алына. Мәктәп һәм мәктәпкәчә төркемнәрнең уртача тулылыгы - 8 бала. ⠀

Учреждениенең төп максаты - ятим һәм ата-ана тәрбиясеннән мәхрүм калган балаларны мөстәкыйль тормышка әзерләү. Педагогик яктан максатчан оештырылган хезмәт аша баланың физик, психик, интеллектуаль, әхлакый, рухи үсешенә ярдәм итүче тәрбия эше системасы төзелә. ⠀

Учреждениедә балаларны хезмәткә җәлеп итү буенча масштаблы эш алып барыла. Мәсәлән, балалар йорты территориясендә ярдәмче хуҗалык бар, аны эшләүчеләр генә түгел, балалар үзләре дә карый. ⠀

Татарстан прокурорына, шулай ук, балалар йортында тәрбияләнүчеләрнең яшелчә үстерүдәге һәм столяр эшендә ирешкән уңышларын күрсәттеләр, укыту, ял итү һәм физик культура белән шөгыльләнү шартлары белән таныштырдылар. ⠀

Исегезгә төшерәбез, 20 ел дәвамында күзәтчелек ведомствосы Норлат балалар йортына шеф ярдәме күрсәтә.

Фото ТР Прокуратурасы сайтыннан алынды.

⠀