Ана капиталын түбәндәге максатларда кулланырга мөмкин

2023 елда Татарстанда 9 942 гаилә торак шартларын яхшырту өчен ана капиталыннан файдаланган
 

Әлеге максатларны тәэмин итүгә Россия Социаль фонды бүлеге кредит учреждениеләре, төзүчеләр, торак кооперативлары һәм физик затлар счетларына 5,9 миллиард сум акча күчергән. Бу – ана капиталын куллануның иң популяр юнәлешләренең берсе, әлеге мөмкинлектән сертификат хуҗаларының 90 проценты диярлек файдаланган.

 
Ана капиталын түбәндәге максатларда кулланырга мөмкин:

• төзелештә өлешле катнашу килешүен түләү;
• индивидуаль торак төзелеше объектларын (ИЖС) төзү яисә реконструкцияләү;
• шәхси торак объектын төзегән яки реконструкцияләгән өчен чыгымнарны компенсацияләү;
• торак сатып алуга яисә төзүгә кредит, шул исәптән ипотека кредиты алганда беренчел кертем түләү;
• торак сатып алуга яисә төзүгә элек бирелгән кредит яисә заемнар буенча төп бурыч яисә процентлар түләү;
• сертификат хуҗасы торак, торак-төзелеш, торак кооперативында катнашкан очракта кооперативка керү яисә пай взносын түләү хисабына түләү кертү.

-«Сертификат акчасын торак сатып алу яки төзү максатында файдаланганда, өченче затларның ана капиталын акчага әйләндереп бирүгә кагылышлы тәкъдимнәрен кабул итмәскә киңәш итәм. Мохтаҗ гаиләләрдә тәрбияләнүче 3 яше тулмаган балаларга ай саен түләнә торган акчаны исәпкә алмаганда, ана капиталын теләсә нинди юл белән акчалата алу – закон кысаларыннан тыш башкарылган гамәл», – дип искәртә ТР буенча Социаль фонд бүлеге идарәчесе Эдуард Вафин.

 
Шунысын искәртеп үтү урынлы, 2020 елның апреленнән башлап ана капиталын кредит акчаларын җәлеп итү юлы белән торак шартларын яхшыртуга юнәлдерү турындагы гаризаны турыдан-туры кредит рәсмиләштерелә торган банкта бирергә мөмкин. Банклар гаризаларны һәм документлардан кирәкле мәгълүматларны Социаль фондка электрон каналлар буенча тапшыра.