«Инстаграм»ны шаулаткан 5 җырчы: Elvin Grey, Уразова, Фирдүс, Илсөя һәм Ландыш
Бүгенге көндә иң популяр социаль челтәр булып “Инстаграм” санала. Белгечләр фикеренчә, алдагы 10 елда ул беренчелекне беркемгә дә бирмәячәк. Ә артистлар өчен бу бик уңайлы әйбер булып чыкты: реклама һәм афишаларны элү өчен менә дигән мәйданчык! Ә күз алдына китерәсезме, Европада кибеттәге товарның 85 проценты нәкъ “Инстаграм” аша сатыла икән. Әкеренләп бу безгә дә килеп җитәчәк. Ә хәзер татар эстрадасы вәкилләре арасында иң популяр 5 “инстаграмщик”ны тәкъдим итәбез.
