Тиешенчә бәяләнмәгән күгән

Аны беренче көзге кырау­лар­дан соң җыю кулай. Шул вакытта җимешләр йомшаг­рак була, камаштыручанлыгы шактый кими һәм татлылана. Бездә бу сентябрь ахыры – ок­тябрь була. Шуңа аны катыргычта саклый аласыз, ул тәмлеләнәчәк кенә.
Әйдәгез, күгән сливасының үзлекләренә күз салыйк:

Ашказаны-эчәк тракты өчен. Аңарда азык җепселләре күп. Клетчатка ашкайнату процессларын җайга салырга һәм эч кату ихтималын киметергә ярдәм итә. Моннан тыш, күгән организмнан газлар чыгаруга ярдәм итә, шуңа күрә метеоризмнан интегүче кешеләргә файдасы бар. Ләкин сак булырга кирәк, чөнки кыргый сливаны артык куллану диареяга китерергә мөмкин.

Иммунитет өчен. Җимеш составында С витамины күп. Бу витамин оксидлашу-торгызу реакцияләрендә, иммун системасының эшләвендә катнаша, шулай ук тимерне яхшырак үзләштерергә ярдәм итә. С витамины җитмәү иммунитетның җитди ки­мүенә китерергә мөмкин, бу сезонлы авырулар вакытында аеруча куркыныч.

Йөрәк-кан тамырлары системасы өчен. Калий һәм магнийга бай күгән җи­­меш­ләрен даими рәвеш­тә уртача микъдарда кул­лану, кан тамырларын ны­­гы­­тырга булыша. Әлеге үз­лек аркасында йөрәк авы­рулары үсеше куркынычы сизелерлек кими, кан басымы нормальләшә һәм канда начар холестерин күләме азая.

Күгән сливасын куллану алдыннан, бигрәк тә хроник авырулы кешеләргә, табиб белән киңәшләшү кирәк.

Фото: ясалма интеллект программасыннан алынды