Температураның кискен төшүе яки җылынуы сәламәтлек өчен куркынычларны арттыра

Һава температурасы «сикереше» нәрсәсе белән комачаулый?

Уңайлылык күрсәткечләре

Кеше өчен 18-20°С (йокы өчен 16-18°С) һәм 40-60% дымлылык комфортлы санала. 

Температураның кискен төшүе яки җылынуы чыннан да сәламәтлек өчен куркынычларны арттыра. Россия галимнәре мәгълүматлары буенча, тәрәзә артындагы температураның 1 дән 10°С ка кадәр тирбәнеш­ләре сәламәт кешегә тискәре йогынты ясамый. Ә инде 10-15°С чикләрендәге «сикереш»ләрен, хәтта нык организм да «канәгатьсезлек белән» кабул итә. 15°Стан артып китсә — сәламәтлек өчен тискәре йогынтысы шактый сизелерлек була. 

Һәм монда эш «плюс» яки «минус» билгеләрендә генә түгел. Температура белән бергә үзгәрә һәм кеше организмына йогынты ясый торган берничә фактор бар. 

•  Һавадагы кислород микъдары. Суытканда һавада кислород күбрәк, ягъни сулау җиңелрәк. Температура кискен күтәрелгәндә кире хәл күзәтелә.
•  Дымлылык. Дымлылыкны, шулай ук, температура тирбәнеше үзгәртә. Кышын никадәр салкынрак булса, һава шулкадәр корырак була. 
• Дымлылыкның 5-20%  тирбәнеше организм өчен артык зарарлы түгел, ә менә 20-30% булса – организмның тискәре реакциясенә китерә.
• Югары дымлылык буын, бөер авырулары, ә түбән дымлылык аллергиклар, астматиклар һәм үпкәләрнең башка җитешсезлекләре булган кешеләр өчен куркыныч. Кискен суыту фонында бу куркыныч тагын да арта.
•  Җил. Һава массаларының хәрәкәт итү тизлеге, ягъни җил, шулай ук организмның температура сикерешләренә реакция­сен шактый дәрәҗәдә билгели. Кыш көне җил көчлерәк булган саен, салкын да ныграк сизелә. Метеорология мәгълүматларында  «һава температурасы» гына түгел, ә «ничек тоела» пункты да бар һәм ул юкка гына бирелми — аның өчен күрсәткечләр тыштагы реаль температураны гына түгел, ә дымлылыкны, җилне, сезонлылыкны һәм хәтта географик урнашуны да исәпкә алган формула буенча исәпләнә.

 Җылыту һәм ашыгыч ярдәм 

Статистика буенча, кискен җылыту чорында һәр өстәмә 5°С «баш авыртуына» ашыгыч ярдәм чакырулар санының 7,5% ка артуына тиң.