Слива уңышын ничек арттырырга

Барлык сөякле җимеш агачларына кальций кирәк икән бит. Ә ул известьтә бар. Менә шуның белән куакларның кәүсәсен аклау – уңышны арттырырга ярдәм итә. 1:1 кушылган балчык белән известь катнашмасы калын итеп кәүсәгә сылана. Бу әле язын агач кайрысының шартлавыннан һәм дым югалтудан да саклый.
Известьны су белән дә кертеп була: бер чиләккә 1 аш кашыгы известь кушылган суны айга бер тапкыр сибү дә җитә.
Җиләк яралгылары яхшы булсын өчен, слива куагын чәчәк ата башлаганда гына бор кислотасы катнашмасы белән коендырырга кирәк.
Уңыш яхшы булсын өчен тагын бер ысул: кәүсә тирәсенә тимер кисәкләре (стружка), иске кадаклар, болтлар һ.б. күмегез.