Сәламәт булыйк! Мартта организмга ярдәм кирәк

Иммунитетны кайгыр­тыгыз. Бу бигрәк тә ура­за тотканда дөрес тукланмаучыларга кагыла. Аксымлы ризыклар ашарга тырышыгыз, ул җитеш­мәгәндә организмда им­муноглобулин бик начар эшләнә. Иммунитетны күтәрү өчен имбирлы чәй эчегез, эхинацея препаратлары, бал, алоэ һәм лимон согы кушылган катнашма кулланыгыз. «Җылыткыч» тәмләткечләр – корица, канәфер, әче кызыл борыч та ярдәмгә килер. Саф һавада йөрегез.

Авитаминозга каршы көрәшегез. Март – көндәлек рационда яшелчәләр һәм яшел үләннәрне актив кулланыр вакыт. Беренче редис, витаминга бай кыяклы суган, тозлы кәбестә – барысы да файдага. Цитруслыларны да онытмагыз, С витамины дефицитын тулыландырыгыз. Март ае табынының тагын бер мөһим ризыгы –  яшелчәләр гарниры белән майлы балык – алыштыргысыз майлар һәм аминокислоталарның шәп чыганагы.
Кояшлы көндә урамда йөрегез. 15-20 минут кояш астында булу да әкренләп кышкы Д витамины кытлыгын тулыландырырга ярдәм итә. Саф һавада йөрү тонусны, кәефне күтәрә, хәлсезлек һәм апа­тиядән коткара. Урамда никадәр озаграк йөрисез – шуның кадәр яхшырак. 

Йокыны җайлагыз. Йокыда экономияләмәгез – мартта үзегезгә ял бирү бик мөһим. Төнгә каршы тынычландыргыч чәйләр эчегез, йокы бүлмәсен җилләтегез, каһвә эчүне минимумга киметегез.