Сак бул – елан!

Хәтта агусызы очраса да, күңелгә барыбер яхшы гына күрку керә. Ә инде, Аллаһ сак­ласын, агулысына тап булсагыз һәм үзенең агулы тешләрен берәр җирегезгә батырып та өлгерсә... бу очракта гамәлләрегезнең дөрес булуы мөһим:

• Елан тешләгән кеше селкенмәсен;
• Аягына яки кулына жгут салмагыз – агу шунда калачак һәм ампутация таләп ителергә мөмкин.
• Тешләнгән урынны антисептик белән эшкәртеп, тыгыз итеп бәйләп куегыз.
• Организмдагы агуны чыгару өчен күп итеп су эчәргә кирәк.
• Агуны суырырга ярамый. Шул рәвешле аның нибары 30%ын гына алып була, ә агу һәм кан белән үзегезгә дә зарар китерергә мөмкинсез.
• Зыян күрүчене мөмкин кадәр тиз арада табибка күрсәтергә кирәк!