Ризыгыбыз шифа бирсен. Иртән иң файдалы ботка

Дөге. Дөге боткасы ашкайнату авырулары һәм диарея вакытында коткара. Анда углеводлар һәм иң файдалы матдә – клетчатка күп. Дөгенең туклыклы үзлекләре аның төренә карап бераз аерыла: көрән һәм парландырылган дөгедә агына караганда микроэлементлар күбрәк. Дөге боткасы нерв системасын ныгыта һәм туклыклы матдәләрне энергиягә әйләндерә. Ә күптән түгел Япон галимнәре ачыклаганча, дөге сәламәтлек өчен файдалы гына түгел, ә интеллектны да арттыра.

Витаминнар: барлык ярмалардан дөге югары сыйфатлы крахмал 77,3% һәм аксымның биологик кыйммәте буенча беренче урында тора. Бу ярма – тиамин (В1), рибофлавин (В2), ниацин (В3) һәм В6 витаминының мөһим чыганагы. Ләкин дөгене эч чәнчүе вакытында кулланырга ярамый.
Моннан тыш, дөгедә күп микъдарда углеводлар һәм крахмал бар, алар май хасил булуга ярдәм итә.