Паразитлар һәм эпилепсия – бәйләнеш бармы?

Бөтендөнья сәламәтлек саклау оешмасы мәгълүматлары буенча, планетада якынча 50 миллион кеше эпилепсия белән интегә. Табиблар бу авыру үсешенең бер сәбәбен нейроцистицеркоз дип атый.

Нейроцистицеркоз нәрсә ул?

Нейроцистицеркоз – дуңгыз личинкалары (Taenia solium) китереп чыгарган паразитар авыру, ул үзәк нерв системасына зарар китерергә мөмкин. Бу җитди халәт төрле неврологик симптомнарга китерергә мөмкин, шул исәптән көзән җыеру, баш авырту һәм психик халәт бозылу.

Йоктыру ничек бара?

Иң киң таралган ысулы – чи яки җитәрлек дәрәҗәдә термик эшкәртелмәгән дуңгыз ите ашамлыкларын куллану. Шулай ук инфекцияле кешеләрнең фекалияләре белән контакт аша йоктыру яки зарарланган ризык һәм су кулланудан да йогарга мөмкин. Шуңа күрә гигиена кагыйдәләрен үтәү һәм продуктларның сыйфатын күзәтү мөһим.

Инфекция йоктыруны ничек кисәтергә?

1. Дуңгыз итенең сыйфатына яки җитәрлек термик эшкәртелүенә ышанмасагыз, аны кулланмагыз. Паразитларны юк итү өчен ит тулысынча әзер булганчы әзерләнергә тиеш.

 2. Шешәләргә салынган яки кайнатылган суны гына эчегез, бигрәк тә таныш булмаган, пычрану куркынычы булган урыннарда.

 3. Шәхси гигиена кагыйдәләрен үтәгез: ашар алдыннан һәм бәдрәфкә барганнан соң кулларыгызны сабын белән юыгыз.

 4. Азык-төлек сатып алганда, бигрәк тә урам кибетләрендә һәм базарларда санитария шартларына игътибар итегез.

Бу гади кагыйдәләрне үтәү нейроцистицеркоз һәм башка паразитар авырулар йоктыру куркынычын киметергә ярдәм итәчәк. Сәламәт булыгыз!

 https://санщит.рус/education/

Фото: freepik