Нормадан артып китүче холестеринны нинди җимешләр ярдәмендә көйләргә мөмкин

Җимешләр белән дә киметеп була аны.

1. Карлыган.
1 стакан суга 2 аш кашыгы кипкән карлыган салып төнәтегез. Көнгә ике-өч тапкыр 0,5–1 стакан эчегез.
2 стакан суга 2-3 аш кашыгы карлыган яфрагын төнәтеп, көнгә өч тапкыр яртышар стакан эчегез.

2. Камырлык чәчәкләрен һәм җимешләрен җыеп киптерегез. 1 аш кашыгы камырлык чәчәге яки 2 аш кашыгы җимешен 1,5 стакан су салып, төнәтмә әзерләгез. Көн дәвамында ашарга ярты сәгать кала, өч тапкыр эчегез.

3. Күрәгә + әстерхан чикләвеге + йөземне иттарткычтан чыгарып, бал кушып ясалган катнашма кандагы тимер күләмен генә арттырып калмый, организмны витаминнар, минералларга да баета, кандагы начар холестеринны да чыгара.

Сорау: – Ни сәбәпле холестерин нормадан артып китә:
Җавап:

• - ялкынсынулар,
• - инфекцияләр, артык авырлык
• - артык шикәр,
• - тәмәке тарту, хәмер куллану һ.б.
• - үт куыгы эшчәнлеге бозылса да холестерин арта.

Киңәш!

Артык авырлык белән көрәшергә. Дөрес туклануга күчәргә.
Рационга күбрәк клетчатка өстәгез: яшел үләннәр, салат яфрагы, яшелчәләр. Алар артык холестеринны, токсиннарны кудыруда ярдәм итәчәкләр. Күбрәк хәрәкәтләнергә, көнгә 10000 адым йөрергә.

Чыганак: Өмет
Автор:Алсу Гәрәева
Фото: ясалма интеллект программасыннан алынды