Кишерне кайчан чәчәргә кирәк?

Аның берсе - апрель ахыры-май башында һәм икенчесе 10-15 июньдә.

Ни өчен ике вакытта?

Җәен ашау өчен тамыразыкны - язын, ә саклауга кую өчен июньдә чәчәләр. Иртә чәчкән кишер кышын сакланмый, чери. Шуңа күрә ул ике срокта чәчелә. Иртә һәм соң чәчә торган кишер сортка карамый. Ә саклану-сакланмавы кайчан утыртуга бәйле.

Халык арасында киң таралган сортлар - электән килгән "Шантанэ", "Несравненный". Соңгы елларда тагын яңа 5-6 сорт популярлашып китте. Болар: "Витаминная 6", "Канада", "Лосиноостровская", "Нантская", "Московская зимняя", "Самсон".

Чыганак: Авыл хатыны/Сельчанка