Хәлвәне дә үзебез ясыйк . Шулай тәмлерәк була!

 350 гр чистартылган көнбагыш орлыгы
 190 гр бодай оны
 150-200 гр шикәр комы
 берәр уч арахис (теләк буенча)
 125 мл су
 125 мл үсемлек мае

 Әзерлибез:
Көнбагыш орлыгын коры табада аз гына кызарганчы, гел болгатып торып, кыздырабыз. Онны да нәкъ шулай итәбез. Суынган көнбагыш орлыгын иттарткычтан ике - өч кабат чыгартабыз яки блендер ярдәмендә ваклыйбыз һәм тирән савытта он белән кушып яхшы итеп болгатабыз.

Шикәр комы белән суны 5 – 7 минут кайнатып сироп ясыйбыз да коры катнашмага арахис (теләк буенча), үсемлек мае һәм сиропны да салып бутыйбыз. Азык пленкасы җәелгән яки майланган формага бушатып, берничә сәгатькә калдырабыз. Хәлвә әзер, тәмле булсын!