Кәрәзле телефонның зыянын киметү өчен, түбәндәге киңәшләргә игътибар итәргә кирәк

Киңәшләр:

• Телефоннан сөйләшкәндә сүзне кыскарак тоту һәм берничә минут саен трубканы бер колактан икенчесенә алмаштырып тору зарур.
• Әгәр озак сөйләшергә туры килә икән, бу очракта колакчыннар яки телефон өчен гарнитуралар кулланырга мөмкин.
• Мөмкинлек булса, баш тирәсенә китермичә, тавышландыргычтан сөйләшү яхшырак булыр.
• Күзлек киючеләргә күзлекләрен салып сөйләшергә киңәш ителә, чөнки күзлекнең металл саплары электромагнит кырының көчлерәк эшләвен таләп итә һәм шуның нәтиҗәсендә башның нерв тамырларына зыян килә.
• Балаларга уйнау өчен телефон тоттырмау хәерле.
• Элемтә начарланса яки бөтенләй ишетелмәсә, элемтәне тизрәк өзәргә киңәш ителә. Чөнки телефон радиоешлыкларны тотарга теләп, тагын да «көчәнәчәк» һәм сәламәтлеккә зыянны күбрәк салачак.
• Язу өстәле артында утырганда телефонны үзеңнән ярты метр читкәрәк куярга кушыла.
• Төнгә башка бүлмәгә чыгарып кую яки бөтенләй сүндерү яхшы.
• Зарядкадагы телефонны үз яныңа куймаска киңәш ителә.
• Телефонны зарядкага куйганда тышлыгын салдырырга. Бу телефонны кыздырудан саклый. Зарядкага телефонны бөтенләй сүндереп кую яхшы. Аккумуляторга көч әзрәк киләчәк.
• Телефонның үзенең кабельләрен генә кулланырга, әгәр алар яраксызга чыкса, шул ук җитештерүче фирманыкын алырга.
• Телефон зарядка җыйганда аны мендәр астына салмаска, башка әйберләр белән капламаска. Кызып, янгын чыгуы бар.
• Зарядка алган вакытта телефонны бөтенләй кулланмаска.
• 20-80 % аралыгын даими сакларга, ягъни зарядканы 20 %тан төшермәскә, 80 %тан арттырмаска киңәш ителә. Болай иткәндә, телефон аккумуляторы озаккарак чыдар.
• Телефонны кайда йөртсәң, нинди куркыныч яный?
• Арткы чалбар кесәсендә телефон йөртү аякта һәм ашказанында авырту барлыкка китерергә мөмкин.
• Ир кешеләрнең телефонны чалбар кесәсендә йөртүе нәтиҗәсендә мәнинең сыйфаты һәм саны кимүен ачыкланган.
• Күкрәк турысында йөрткән телефон нурланышыннан күкрәкләрдә рак авыруы барлыкка килүе бар.
• Телефонны биткә терәп сөйләшсәң, кулдагы бактерияләр, микроблар биткә күчә.
• Телефон йөртә торган иң куркынычсыз урын булып сумкалар яки куртканың аскы кесәсе санала.

Чыганак: САУЛЫК. ТАТАР халык медицинасы