Кабактан желе

Аз гына ясап, авыз итеп карагыз да, ошаса тагын, күп итеп, кунакларга да әзерләрсез.
Кирәк:

• Кабак – 300 гр
• Шикәр комы – 2-3 аш кашыгы
• Желатин – 2 аш кашыгы
• Су – 50 мл

Желатинны 50 мл суда эретеп, 20-30 минут бүрткәнен көтәбез. Кабакны чис тартып, кечкенә шакмаклап турыйбыз.
Кабак белән шикәр өстенә, чүт кенә күмелерлек итеп, су салырга һәм кайнап чыкканнан соң якынча 30 минут пешерергә. Аннары, савытта 50-70 мл гына калдырып, суын саркытырга.
Блендер ярдәмендә изеп, боламык ясарга, желатинны кушып, тагын бер кат блендер белән болгатып алырга.
Формаларга салып, суытырга һәм 2-3 сәгатькә суыткычка куярга. Файдалы десерт әзер, тәмле булсын!