Интерактив картадан ничек файдаланырга?

Фото: ясалма интеллект

Бу көн суның тереклек чыганагы гына түгел, ә даими игътибар объекты булуын да искә төшерергә тиеш. Аның сыйфатын контрольдә тоту кешеләр сәламәтлеге өчен бик мөһим һәм кирәкле.

«Чиста су» федераль проекты кысаларында Роспотребнадзор тарафыннан бөтен ил буенча эчә торган су сыйфатын контрольдә тотуның интерактив картасы төзелгән һәм файдалануга кертелгән.

Әлеге проектның максаты – халыкка, федераль һәм региональ хакимият, җирле үзидарә органнарына, су белән тәэмин итә торган оешмаларга үзәкләштерелгән системалар аша бирелә торган суның сыйфаты һәм куркынычсызлыгы турында мәгълүмат бирү, шулай ук халыкны сыйфатлы су белән тәэмин итүне бәяләү.

Социаль-гигиена мониторингы, күзәтчелек чаралары кысаларында, эчә торган суны тикшерү нәтиҗәләре картасына Роспотребнадзорның ведомство буйсынуындагы лаборатор үзәкләре тарафыннан гамәлгә ашырыла торган су белән тәэмин итүче оешмаларның җитештерү контроле мәгълүматлары кертелә.

Су сыйфатын контрольдә тотуның интерактив картасының нигезен торак пунктка кадәр административ бүленеше белән Россия Федерациясе территориясенең электрон картасы тәшкил итә.

2022 елдан интерактив карта тулысынча файдалануга тапшырылган. Хәзер һәркем үз өендә эчә торган суның сыйфатын тикшерә һәм Роспотребнадзорга аның тиешле сыйфаты турында хәбәр итә ала.

Узган ел ведомство белгечләре үзәкләштерелгән су белән тәэмин итү системасының 2 миллионнан артык пробасын тикшергән. Суның сыйфатын тикшерә торган лабораторияләр җиһазлары даими рәвештә яңартыла, күрсәткечләр исемлеге киңәйтелә, яңа методикалар кертелә. Бөтен ил буенча 2015 елдан 2024 елга кадәрге чорда санитария-химия, микробиология һәм паразитология күрсәткечләре буенча гигиена нормативларына туры килми торган үзәкләштерелгән су белән тәэмин итү системаларыннан алынган пробаларның чагыштырма авырлыгының кимүе күзәтелә.

Эчә торган суның сыйфатын контрольдә тотуның интерактив картасын куллану өчен:

1. Сайтка керергә: https://питьеваявода.рус.

2. Ачылган тәрәзәдә «Суның сыйфатын тикшерергә» бүлекчәсен сайларга.

3. Эчә торган суның сыйфатын тикшерергә һәм «Суның сыйфатын белергә» интерактив клавишасына басарга яисә теләгән адресны кертергә.

4. Ачылган тәрәзәдә бирелгән адрес буенча эчә торган суның сыйфатын лаборатор-инструменталь тикшерү нәтиҗәләре белән танышырга.

Роспотребнадзор гражданнарны интерактив картадан актив файдаланырга чакыра. Оператив мәгълүмат бирү һәм халыктан кире элемтә һәр йорт, урам һәм торак пункт өчен тәртип бозуларга тизрәк җавап бирергә һәм су белән тәэмин итү куркынычсызлыгын булдырырга ярдәм итә!

«ТРда Гигиена һәм эпидемиология үзәге» ФБУЗның Яшел Үзән филиалы белгече Надежда Александрович мәгълүматлары буенча әзерләнде