«Форте», «экстра»: дару исемнәрендәге өстәмә сүзләр нәрсәне аңлата?
Дару исемнәрендәге теге яки бу өстәмә сүзләрнең нәрсә аңлатуын белеп тору беребезгә дә зыян итмәстер, шәт. Алар препаратның ничек тәэсир итүен, нинди үзенчәлекләргә ия булуын күрсәтә.
«Экстра» – тәэсир итә торган матдәсе гадәтиенекеннән күбрәк.
«Нео» – яңартылган ысул белән эшләнгән.
«Форте» – нәтиҗәсен арттыру өчен ниндидер матдәләр өстәлгән.
«Мите» – тәэсир итә торган матдәсе аз (тиз генә «барып җитми»).
«Семи» – тәэсир итә торган матдәсе уртача күләмдә алынган.
«Рапид» – авырткан урынга бик тиз «барып җитә».
«Лонг» – даруның тәэсире озакка сузыла.
«Ко», «н», «гт», «нл» – дару сидек кудыру үзенчәлегенә ия Кайбер даруларның атамалары ук нинди икәнлекләрен күрсәтә.
«Вит» – витамин.
«Дерма» – тән тиресенә бәйле ниндидер препарат.
«Лакс» – эчне йомшарту үзенчәлегенә ия.
«Фер» – тимерле дару.
«Кор» яки «кардиа» («кардио») – йөрәк даруы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев