Черкиләр якын килмәсен өчен берничә ысул

• Лампа өстендә парга әйләнүче йөз грамм камфара яки валерьянка бик зур бүлмәдә дә чебен һәм черкидән коткарачак.
• Яңа өзгән шомырт яки миләш яфракларын ваклап турарга һәм тәннең ачык өлешләренә ышкырга.
• Канәфер, базилик, әнис, эвкалипт эфир майларын, бер стакан суга 5-10 тамчы кушып, тәннең ачык җирләренә ышкырга яки ут чыганагына – камин, учак, шәм, кызган табага тамызырга. Мамык кисәген шул майларга манып, тәрәзә төбенә куегыз.
• Аю баланының (бузина) яңа өзгән ботакларын бүлмәгезгә куегыз. Ул, помидор яфраклары исе кебек үк, черкиләрне куркыта.
• Табигатьтә ял итәргә уйласагыз, учакка артыш (можжевельник) ботаклары ташлагыз.
• Эрбет (кедр) мае исе черкиләрне генә түгел, чебен һәм тараканнарны да куркыта.
• Әрем тамыры төнәтмәсе белән юынсаң, битегезгә бер генә бөҗәк тә якын килмәс. 1,5 литр суга бер уч вакланган тамырны салып, кайнатып чыгарырга һәм уттан алып, 20-30 минут төнәтергә.
• Электр фумигаторында сыеклык беткәч, яңасын алырга ашыкмагыз. Буш савытка 100%лы эвкалипт экстракты салыгыз. Черкиләр сезнең өйгә юлны онытачак.

Фото: ясалма интеллект программасыннан алынды