Бу яшелчәдә картаюдан саклаучы антиоксидантлар бар

Бакча җимеше. Редис

Тамыразык нигездә судан һәм азык җепселләреннән тора. Алар эчәклекнең файдалы бактерияләре өчен азык булып хезмәт итә, ашкайнатуга булыша, ашыйсы килү тойгысын киметә.

Кызганыч, яшелчәдә витаминнар һәм минераллар бик күп түгел. Искәрмә булып С витамины, В төркеме витаминнары һәм калий тора.
Шулай ук редиста күзә­нәкләрне оксид­лашудан һәм картаюдан саклаучы антиоксидантлар бар. Алар С витаминының кан әйләнеше системасына йогынтысын көчәйтә. Ә ул, үз чиратында, кан тамырларын сыгылмалы итә һәм канны сыек­ландыра.

Игътибар!

Ач карынга ашаганда, ул эчне күпертергә мөмкин. Ябыгучылар исә татлы тамырның аппетитны арттыруын белергә тиеш. Анда ашказанын ярсыта торган матдәләр бар. Шул сәбәпле, ашказаны һәм уникеилле эчәкнең җәрәхәт авырулары, панкреатит, үт куыгы ташлары авырулары кискенләшкәндә, редисны кулланырга ярамый.