Бер тамчы зирәклек

– Банка тулымы? – дип сорый.
– Әйе, тулы, – дип җаваплый студентлар.
Ул ташлар өстенә борчак сала һәм банканы бераз селкеткәч, борчаклар таш арасындагы буш урыннарга урнаша.
– Тулдымы банка? – дип, тагын сорый профессор.
– Әйе, тулды, – диләр студентлар.
Шуннан соң ул банкага ком сала. Әлбәттә, ком барлык калган бушлыкны тутыра. Кабат сорый, банка тулымы, дип. Әйе, хәзер бер шиксез тулы, диләр студентлар.
Ә ул өстәл астыннан кружка белән су алып, тамчысына кадәр банкадагы ком өстенә агыза. Студентлар көлә.
– Ә хәзер шуны аңлагыз: банка – сезнең тормыш. Ташлар – сезнең тормыштагы иң мөһим нәрсәләр: гаилә, сәламәтлек, дуслар, балаларыгыз. Болар – калган бөтен нәрсә югалып бетсә дә тор мышы гызны тутырып тору өчен кирәкле. Борчак – шәхсән сезнең өчен әһәмияткә ия нәрсәләр: эш, өй, автомобиль. Ком – калган башка вак-төякләр.
Әгәр дә банканы баштан ук ком белән тутырсаң, борчак һәм ташка урын калмый. Сезнең тормышта да шулай, әгәр дә һәрчак вакытыгызны һәм энергиягезне вак-төяккә сарыф итсәгез, мөһим әйберләргә урын калмый. Сезгә бәхет китерә торган нәрсәләр белән шөгыльләнегез: балаларыгыз белән уйнагыз, ирегез яки хатыныгыз өчен вакыт табыгыз, дусларыгыз белән очрашыгыз. Ә эшләргә, өй җыештырырга, машинагызны төзәтергә һәм юарга вакыт булачак. Иң алдан ташлар, ягъни тормыштагы иң мөһим нәрсәләр турында кайгыртыгыз, үзегез өчен приоритетларны билгеләгез: калган барысы да – ком.
Бер студент кул күтәреп, профессордан суның нинди мәгънә биргәнен сорый.
Профессор елмаеп:
– Бу турыда соравыгызга мин шат. Мин аны болай гына салдым. Сезгә, тормышыгызның никадәр генә тыгыз булуына карамастан, һәрвакытта да күңел ачуларга, бәйрәмнәргә һәм ялга да урын калганын исбатлау өчен.