Авыруга караганда кисәтү отышлырак!

Йогышлы авырулар микроорганизмнарның организмга тәэсире нәтиҗәсендә барлыкка килә һәм йогышлы кешедән сәламәт кешегә күчә.

Инфекция йоктыруның төп юллары һәм профилактика ысуллары:

1. Һава-тамчы юлы (грипп, салкын тию, җил чәчәге авыруы, коклюш, туберкулез, дифтерия, кызамык). Профилактика өчен битлекләр, җилләтү, бинада күп санда кеше җыелуга юл куймау кулланыла.

2. Алиментар (азык-төлек) юл (барлык эчәк инфекцияләре, сальмонеллез, дизентерия, А вируслы гепатит). Аңа юл куймау өчен  шәхси гигиена, кулларны, яшелчә-җиләк-җимешне юу, биналарда чебеннәр булмау мөһим роль уйный.

3. Җенси юл (вируслы В һәм С гепатитлары, ВИЧ-инфекция һ. б.). Мондый инфекцияләрне профилактикалауның мөһим аспекты булып барьерлы саклану чараларын куллану тора.

4. Кан юлы белән (В һәм С вируслы гепатитлар, ВИЧ-инфекция). Бу очракта йогышлы авыруларны булдырмый калырга стериль хирургия инструментлары, татуировкалардан баш тарту ярдәм итәчәк (бигрәк тә өй шартларында).

Йогышлы авыруларны профилактикалау индивидуаль (вакцинация, гигиена кагыйдәләрен үтәү, чыныгу, сәламәт яшәү рәвеше алып бару) һәм гомуми профилактиканы (җитештерүдә, эш урынында сәламәт һәм куркынычсыз хезмәт һәм көнкүреш шартлары тудыру) үз эченә ала.

Валерия Феоктистова, Яшел Үзән медицина профилактикасы үзәгенең гигиена тәрбиясе буенча табибы