3 – 9 март – репродуктив сәламәтлеккә һәм сәламәт йөклелеккә җаваплы караш атналыгы

Сәламәт туклану, җитәрлек физик активлык, тәмәке һәм алкогольдән баш тарту – репродуктив сәламәтлекне озак елларга саклау нигезе.

Йөклелек вакытында хатын-кызның тәмәке тартуы һәм алкоголь куллануы үле бала табу куркынычын арттыра. Хатын-кызлар өчен кирәкмәгән йөклелектән контрацепциянең төрле куркынычсыз чаралары бар, ләкин аларның барысы да җенси юл белән күчә торган авырулардан сакламый. Медицина белгечләрендә (хатын-кызлар өчен гинекологлар һәм ир-атлар өчен урологлар) даими рәвештә профилактик тикшерүләр узарга кирәк, бу исә күп кенә авыруларның башлангыч стадиядә, хәтта дәгъвалар булмаганда да, барлыкка килүен һәм үсешен булдырмаска мөмкинлек бирәчәк. Репродуктив сәламәтлекне бәяләү максатыннан репродуктив яшьтәге ир-атлар һәм хатын-кызлар диспансеризациясен даими узарга.

Йөклелекне планлаштырганда хатын-кызга организмдагы барлык дефицитларны тулыландырырга, йөклелеккә кадәр һәм йөкле вакытта, сәламәт туклану принципларын сакларга кирәк. Йөклелек вакытында физик активлык ана һәм баланың сәламәтлеген яхшырта.

Йөклелек вакытында хатын-кызларның йодка ихтыяҗы шактый арта. Йод яралгының нерв системасы формалашуның бозылуын профилактикалау өчен, балаларның ана карынында үсеш вакытында һәм кечкенә яшьтә баш миенең сәламәт үсеше өчен кирәк. Йөклелекне планлаштыручы хатын-кызларга йөклелек башланырга 2-3 ай кала һәм бөтен йөклелек дәвамында көненә 200 мкг дозада йод (калий йодиды) препаратларын кабул итү киңәш ителә.

Йөклелекне планлаштыручы хатын-кызга йөклелек башланырга 2-3 ай кала һәм йөклелекнең беренче 12 атнасы дәвамында шулай ук, яралгының нерв көпшәсе дефекты куркынычын киметү максатыннан, көненә 400-800 мкг дозада фолий кислотасы кабул итү киңәш ителә.

Валерия Феоктистова,

Яшел Үзән медицина профилактикасы үзәгенең гигиена тәрбиясе буенча табибы