Яшел Үзән шәһәренең «Рэхэт» пляжы

Тасвирлама:
«Рэхэт» пляжы – концертлар, су аттракционнары, фуд-корт, ресторан, җәйге кинотеатр, мастер-класслар һәм спорт турнирлары өчен мәйданчыклар уздыру өчен сәхнә белән җиһазландырылган иҗтимагый киңлек.
Адресы:
РТ, Яшел Үзән шәһәре, Загородная ур.

Яшел Үзән шәһәрендә «Рэхэт» шәхси пляжын 2022 елның 1 июлендә популяр татар автор-башкаручы Илнат Фәрхуллин ачты. Яшел Үзән районы башлыгы Михаил Афанасьев пляжны ачу тантанасында катнашты: «Без яңартылган пляжны ачабыз, ул барлык заманча комфорт таләпләренә туры килә. Пляжны төзекләндерүдә актив катнашкан партнерларыбызга һәм инвесторларга рәхмәт белдерәм. Алар – Александр Хегай һәм «Алтын» компаниясе төркеме. Барысы да халык өчен эшләнде һәм аларның инициативасы һәм креатив якын килүе аркасында без шундый нәтиҗәне күрәбез. Яшел Үзән пляжы – Татарстанда иң яхшы ял итү урыннарының берсе булачак, дип ышанам». Бу көнне шәһәр халкы һәм кунаклары өчен бик бай программа – театральләштерелгән тамаша, концерт, пляж волейболы буенча турнир һәм башкалар әзерләнгән иде. Ә инде кичен эстрада җырчысы Илнат Фәрхуллин үзенең матур җырларын бүләк итте. «Рэхэт» пляжы концертлар үткәрү өчен сәхнә, су аттракционнары, фуд-корт, ресторан, җәйге кинотеатры, мастер-класслар һәм спорт турнирлары өчен мәйданчыклар белән җиһазландырылган. Пляжда уңайлы мохит булдырылган. Биредә матур табигать белән хозурланып, уңайлы чатырларда теләсә кайсы бәйрәмне уздырырга мөмкин: туган көн, юбилей, чыгарылыш кичәсе, туганнар белән күрешү һ.б. Туклануга килгәндә, «Рэхэт» пляжы территориясендә фуд-кортлар урнаштырылган. Кунаклар биредә тәкъдим ителгән ризыкларга заказ бирә, яисә ашамлыкларны үзләре белән алып килә ала. Еш кына монда күбекле кичәләр (пенная вечеринка) оештырыла. Күбекле шоуда балалар белән беррәттән өлкәннәр дә күңел ача. Бу ял итүчеләргә күтәренке кәеф һәм онытылмаслык хис-кичерешләр туплау өчен менә дигән мөмкинлек булып тора. «Рэхэт» пляжында нәни кунаклар өчен анимацион тамашалар да үткәрелә. Аның кысаларында балаларны тәмле туңдырма белән сыйлыйлар. Палаткаларда ял итәргә яратучылар өчен пляж территориясендә палата лагере оештырыла. Шундый лагерь быел июнь аенда эшләде, ул «Палаточный движ» дип аталган иде. Пляжда волейбол буенча турнир, футбол, бадминтон һ.б. спорт чаралары да үткәрелә.