Яшел Үзән районы «Дельфин» шифаханә-профилакториясе

Телефон:
- 8(987) 065-54-43
Сайт:
https://www.san-delfin.ru
Адресы:
Шәһәр чите урамы ур., 5

«Дельфин» шифаханә-профилакториясенә 1994 елда А.М. Горький исемендәге Яшел Үзән заводы тарафыннан нигез салынган. Шифаханә Идел елгасының гүзәл ярындагы нарат урманында урнашкан. Мондагы уртача климат һәм саф һава ял итү һәм дәвалану өчен бөтен шартлар тудыра. Профилакториянең 4 катлы зур бинасында торак һәм дәвалау корпуслары, 25 метрлы бассейн һәм ашханә урнашкан. Дәвалау корпусы составына түбәндәгеләр керә: ванна бүлеге, тозлы бүлмә (галатерапия), инголяторий, арома-релакс бүлеге, дәвалау физкультурасы залы, массаж кабинетлары, фитобар, табиблар кабинетлары һәм диагностика, балалар уен бүлмәсе, актлар залы, фотозона. Ял итүчеләрнең туклануы ашханәнең иркен залында меню-заказ буенча оештырылган. Территориядә актив ял итү өчен дә шартлар тудырылган: биредә өстәл теннисы, футбол, волейбол һәм стритбол мәйданчыклары, балалар мәйданчыгы, терренкур өчен җәяүле юл бар.