Яшел Үзән кешесе, алдакчыларга ышанып, бүләксез һәм акчасыз калган
Россия Эчке эшләр министрлыгының Яшел Үзән районы буенча дежур бүлегенә мошенниклык факты буенча Яшел Үзән шәһәрендә яшәүче 41 яшьлек кеше мөрәҗәгать иткән.
Әтисенә бүләк алырга теләп, яшел үзәнле 50 000 сумга якын акчаны югалткан.
Интернет челтәрендә төрле сайтларны карап, ир-ат аңлатканча, сәнәгать техникасын сату белән шөгыльләнүче оешмага тап булган. Сайтны өйрәнеп, әтисенә мини трактор бирергә булган. Калдырылган гаризадан соң кәрәзле телефонга интернет сайт менеджерыннан шалтырату килгән. Сатып алу турында килешеп, сатучыга беренчел взносны күчергән, ә менеджер шул арада заказны 4-5 көн эчендә тапшырырга вәгъдә иткән. Ләкин ир кеше тракторны көтеп ала алмаган.
Әлеге факт буенча РФ Җинаять кодексының 159нчы маддәсенең 2нче өлеше буенча җинаять эше кузгатылган.
Хәзерге вакытта җинаятьчеләрне эзләү хезмәткәрләре алдалаучыларның шәхесен билгеләүгә юнәлтелгән чаралар үткәрә.
Следите за самым важным и интересным в Telegram-каналеТатмедиа
Нет комментариев