Васильево борылышында 17 автомобиль бәрелешкән

Юл-транспорт һәлакәтенең беренчел сәбәбе - дистанцияне бозу һәм тизлек режимын үтәмәү.

- Беренче машина тизлеген киметте, аңа барып бәрелделәр. Һәм барысы да бер-берсенә тоташтан бәрелү китте, - дип сөйләде зыян күрүчеләрнең берсе - Рамил.

Һава торышы да үз ролен уйнады. Бүген республиканы каплаган көчле кар яву аркасында юллардагы күз күреме сизелерлек начарланды, ә юлларда бозлавык барлыкка килде.

Трассада автомобиль бөкеләре, урында юл-патруль хезмәте хезмәткәрләре эшли.

Яшел Үзән районы ЮХИДИ хезмәткәрләре, юлларда аеруча игътибарлы булырга өнди. Үзегезне саклагыз!