Татарстанда тоткарланган ир-ат 26 пенсионерны үтерүдә гаебен таныган

Бу хакта Тикшерү комитеты хәбәрендә әйтелә.

Үтерү 2011 елдан 2012 елга кадәр кылына, җинаятьләр Идел буе, Үзәк һәм Урал федераль округларында 12 регион территориясендә теркәлгән. Тикшерүчеләр ачыклаганча, барлык җинаятьләр бер үк зат тарафыннан эшләнгән.

«Казанда яшәүче 38 яшьлек Радик Таһиров икәнлеге ачыкланды. Слесарь булып эшләүче ир-атны элегрәк урлаган өчен 2009 елда хөкем иткәннәр. Таһиров күрсәтелгән җинаятьләрне кылуда шикләнеп кулга алына. Хәзерге вакытта шикләнелүче үз гаебен танып күрсәтмәләр бирә", - дип хәбәр иттеләр Тикшерү комитетында.