Татарстанда булган һәлакәттә 3 яшьлек кыз белән әнисе үлгән

Бәрелеш иртәнге 9да була. 24 яшьлек "Лада Гранта" машина йөртүчесе ИК-4 ягыннан бара һәм көйләнми торган юл чатында төп юлдан килгән "ГАЗ-66 АВБ-2М" йөк машинасына юл бирми. Машиналар бәрелешә, җиңел автомобиль рельсаларга килеп каплана.
"Лада"ның арткы пассажир утыргычындагы яшь хатын һәм аның кулында булган бала шунда ук вафат була. "Лада" йөртүчесе исән кала. Аны хастаханәгә озатканнар, ул реанимациядә. "НТР" телеканалы ачыклаганча, йөк машинасының 41 яшьлек йөртүчесе аз гына җәрәхәтләнгән.