Суны акчага әйләндергән

Полиция хезмәткәрләре Осиновода уздырган тикшерү чаралары нәтиҗәсендә, 30 яшьлек ширкәт директорының 2018 елдан бирле законсыз эшчәнлек алып баруын ачыклаган. Әйткәнебезчә, кыңгыр гамәлләр һәрвакытта да фаш ителә. Ни белән эш иткән ул дип уйлыйсыз? Осиново авылындагы су җыю скважиналарыннан законсыз файдаланган. Чыгарган суын сату белән шөгыльләнгән. Хәзер аңа барысы өчен дә җавап бирергә туры киләчәк. Китерелгән матди зыянын да исәпләп чыгарырлар.