Полиция хезмәткәрләре һөҗүм итүдә шикләнелүчеләрне тоткарлады
Кич белән «Яшел Үзән - Йошкар-Ола» трассасында билгесез затлар Васильево бистәсендә яшәүче 30 яшьлек һәм Казанның 28 яшьлек кешесенә һөҗүм иткән. Җинаятьчеләр кәрәзле телефоннар, банк картасын ачыктан-ачык урлый, аннан соң картадан 50 000 сум күләмендә акча алынган.
Зыян күрүчеләрнең берсе сөйләгәнчә, ул иптәше белән танышын алырга киткән. Трассаның бер участогында тукталырга булганнар. Бу вакытта аларга «ВАЗ» машинасы килә, аннан берничә билгесез егет чыга, аларны кыйный башлый һәм кыйммәтле әйберләрен бирүне таләп итә. Шуннан соң билгесез юнәлештә качалар.
Оператив-эзләү чаралары нәтиҗәсендә Татарстан Республикасы буенча Эчке эшләр министрлыгының Җинаятьчеләрне эзләү идарәсе хезмәткәрләре Россия Эчке эшләр министрлыгының Яшел Үзән районы буенча бүлегенең хезмәттәшләре белән берлектә Мари Эл Республикасында яшәүче өч кешене ачыклаган һәм тоткарлаган.
Сорау алу барышында җинаятьчеләр күрсәтмәләр биргән.
Әлеге факт буенча РФ Җинаять кодексының 162 маддәсе 2нче өлеше, 158 маддәче 3нче өлеше буенча каралган җинаять составы билгеләре буенча җинаять эшләре кузгатылган. Шикләнелүчеләр сак астына алынган.
Хәзерге вакытта җинаятьтә катнашучыларның калган урыннарын билгеләү буенча чаралар үткәрелә.
Следите за самым важным и интересным в Telegram-каналеТатмедиа
Нет комментариев