«Зур Яшел Үзән» проектына старт бирелергә мөмкин

Ул Яшел Үзәннән алып Казанга кадәр 1300 гектардан артык территориядә комплекслы төзелеш эшләре алып баруга кагыла. Әмма проект чынга ашмады. Яшел Үзән районы җитәкчесе үз докладында аның турында искә төшерергә булды. 
- Бу яхшы проект, ләкин аны гамәлгә ашыру өчен, беренчедән, җирләрнең категориясен үзгәртергә һәм бу территорияләрне шәһәр чигенә кертергә кирәк,- Михаил Афанасьев президенттан бу проектны терелтүне хуплавын сорады. 
- Әйе, бу кызыклы проект, техник детальләрне, транспорт чишелешләрен игътибар белән карарга кирәк. Һәм бу эшкә Казанны җәлеп итәргә кирәк, башкаланың да ресурслары бар, аларга бу проект файдалы булырга мөмкин.