«Әзер бул! ЮК, диген!” девизы астында сәламәтлек көне

Әлеге профилактик операциянең төп максаты - балигъ булмаганнар арасында наркомания таралуны кисәтү, аларны җинаятьчел эшчәнлеккә җәлеп итү фактларын ачыклау, шулай ук наркотиклар куллануның нәтиҗәләре һәм аларның законсыз әйләнешендә катнашу өчен җаваплылык турында халыкның хәбәрдарлыгын арттыру.

7 апрель көнне "Мирный" бизнес үзәге янында операция кысаларында Россия Эчке эшләр министрлыгының Яшел Үзән районы буенча бүлеге хезмәткәрләре А.С.Пушкин исемендәге 9 нчы лицей укучылары белән берлектә "Сәламәтлек көне" акциясе оештырды.

Чара барышында лицеистлар үтеп баручыларга наркотикларның зарары турында белешмә тараттылар, сәламәт яшәү рәвешенең өстенлекләре турында сөйләделәр, балаларга һава шарлары тапшырдылар. Бу болытлы көндә ачык яшел шарлар шәһәр халкына күңелле, уңай хис-кичерешләр бүләк итте.