Заводта иҗади, талантлы яшьләр эшли

Республикада  эшләүче яшьләрнең бу фес­тивале ТР Президенты Рөстәм Миңнеханов ярдәмендә 2013 елдан бирле эшли.  Быел ул сентябрьдә башланды. Сайлап алу турлары Яр Чаллыда,  Зәйдә, Казан һәм  Түбән Камада  булды. Безнең команда 6 номер күрсәтте һәм шуларның дүртесе суперфиналга чыкты.
Фестивальдә Татарстанның барлыгы 170 оешма һәм предприятиесе катнашты.
Гала-концертны ачу тантанасында  ТР Дәүләт Советы рәисе  Фәрит Мөхәммәтшин  фестиваль  яшьләрнең иҗади мөмкинлеген ачарга булыша, үзенең хезмәт  коллективына карата  патриотизм  хисләре тәрбияли, дип ассызыклады.  
– Без яшьләр белән эшләүнең яңа формаларын эзлибез, монда  студентлар отряды, волонтерлар хәрәкәте керә. Сәләтсезләр хәтердән төшеп калсын, максатчан яшьләргә  төрле грантлар белән ярдәм итәбез. Яшьләр үз эшләрендә яхшы хезмәт итә, ә  вакытлары булганда иҗади идеяләрен тормышка ашыра.
Фестиваль нәтиҗәләре буенча заводның һәвәскәр артистлары  «Хореография»  номинациясендә – икенче, «Музыка» номинациясендә (ансамбль)  өченче урынга лаек  булды. Шулай ук «Хореография» (ансамбль)  һәм «Минута славы» номинацияләрендә махсус призларга лаек булды.
Фестиваль үсешенә өлеш кертүе өчен  завод­ның яшьләр оешмасы лидеры  Дмитрий Анисимов ТР профсоюзлары федерациясе  дипломы белән бүләкләнде.

Фото  завод сайтыннан алынды.