Җырчы Бузова Евровидение-2020гә бара, имештер...

Беренче каналның музыкаль һәм күңел ачу программаларының баш продюсеры Юрий Аксюта Россия данын «Евровидение» бәйгесендә Ольга Бузова якларга мөмкин дигән имеш-мимешләргә җавап бирде. 
- Бу акылга сыймаслык хәл, - диде Аксюта. 
Шушы көннәрдә Бузова Мәскәүдәге концертында киләсе җырны инглиз телендә Евровидениедә җырлаячакмын, дип белдерде. Аның бу сүзләреннән соң күпләр, Россиядән Европа музыка конкурсында нәкь менә ул катнашачак, дигән нәтиҗә ясады. Бу хакта РИА Новости яза. 
«Евровидение-2020» Роттердамда 12 майдан 16 майга кадәр узачак.