Җылылык кыска вакытлы булачак
Татарстанга килгән аномаль җылылык атна ахырына сизелерлек салкынаю белән алышыначак, дип хәбәр итә «Татар-информ» мәгълүмат агентлыгы КФУның метеорология, климатология һәм атмосфера экологиясе кафедрасы мөдире — профессор һәм география фәннәре докторы Юрий Переведенцевның сүзләрен сылтама итеп.
"Һава торышы тирән циклонның көньяк перифериясе белән билгеләнә. Бу циклон безгә Атлантикадан килде, әмма аның үзәге төньякта Европа өлешендә урнашкан, Ә без — көньяк перифериядә. Безгә көнбатыш агымнары килә, ә Көнбатыш һәрвакыт җылы. Шуңа күрә җомгага кадәр бөтен атна җылы булачак", - диде профессор.
Переведенцев билгеләп үткәнчә, салкынаюның ни дәрәҗәдә озакка сузылачагы турында әйтүе кыен.
Следите за самым важным и интересным в Telegram-каналеТатмедиа
Нет комментариев