Яшел үзәнлеләрне бүгенге һава торышы илһамландыра

Декабрьдә яңгыр коя,

Бу әллә саташумы?

Көзләр үткәч, чана җигеп,

Килер дип кышны көттек.

Кыш түгел шул, язлар килде,

Шуңа аптырап беттек.

Түбәләрдән тамчы тама,

Урамны басты сулар.

Аяк атлап йөрер хәл юк -

Пыяла булды юллар.

Болай булса, озак тормас,

Яфрак ярыр агачлар.

Туган якларын сагынып

Кайтырлар сандугачлар.

Мәдинә Әдиятуллина.

Яшел Үзәннең 3нче гимназия укытучысы