Яшел Үзәндә шәһәр төзелеше советы узды

Яшел Үзән районы җитәкчесе Михаил Афанасьев рәислегендә шәһәр төзелеше советы узды. Шулай итеп, сөйләшү өчен иң мөһим темаларның берсе - «Безнең ишегалды» программасы булды, ул өч ел дәвамында республиканың барлык муниципалитетларында һәм шәһәрләрендә тормышка ашырылачак. Әлеге программа буенча Яшел Үзән районында ярты миллиард сумнан артык суммага 150ләп ишегалды ремонтланачак.

Михаил Афанасьев билгеләп үткәнчә, бу бик җитди һәм кирәкле программа, аның ярдәмендә ишегалларын тәртипкә китерергә һәм халык өчен тагын да уңайлырак яшәү шартлары тудырырга мөмкин. "Барлык территорияләрне карагыз, бер генә ишегалдын да калдырмагыз, программаны гамәлгә ашыруга иң мөһим бурыч итеп карагыз. Сез эшкә йөз процент әзер булырга тиеш», - диде коллегаларына район җитәкчесе. ⠀

Шулай ук, шәһәр советында Яшел Үзән шәһәре «Мирный» микрорайонындагы «Акварели Парк» торак комплексы, «Манзара» сәүдә-күңел ачу үзәгенең эскиз проектлары, Яшел Үзән районы территориясендәге Зөя утрау-шәһәрчеге этнография паркын төзү буенча эскиз тәкъдиме һәм Свияжск авыл җирлегендә төзеләчәк күпфункцияле үзәк проекты турында фикер алыштылар.