Яшел Үзәндә Хач ману коенулары
Бүген православие динендәгеләр иң мөһим бәйрәмнәрнең берсе – “Крещение Господне яки Богоявление” билгеләп үтә. Бәйрәм намазы укыганнан һәм суны изгеләндергәннән соң теләүчеләргә бәкедә коенырга мөмкин.
- Әйе, 5 ел инде ел саен коенам, волейбол белән шөгыльләнәм. Кыен түгел, суга керер алдыннан иң мөһиме – тәнне йомшарту, кмеренке булмаска кирәк, болай иткәндә су да җылырак тоела, чумганнан соң тәндә рәхәт калтырау була. Ә болай Зәңгәр күлдә кыш көне ике тапкыр даими коенам, - дип бүлешә Николаева Софья.
Софья волейбол белән профессиональ шөгыльләнә, КНИТУ КАИда укый. Элек авангард спорт комплексында эшләгән.
Яшел Үзән районында су коену өчен 8 урын билгеләнгән. Раифа Богородицкий ир-атлар монастыре, Илья Пророк храмы, Зөя утрау-шәһәрчеге, Осиново һәм Васильево янындагы сулыкларда, Яшел Үзәндә Андрей Первозванный һәм Изге Ана иконасы «Отрада и Утешение» храмнарында.
Коену урыннарда яшәүчеләрнең куркынычсызлыгы һәм иминлеге өчен коткаручылар кизү тора.
Следите за самым важным и интересным в Telegram-каналеТатмедиа
Нет комментариев