Яшел Үзәндә инжиниринг өлкәсендә белгечләрне хөрмәтләделәр

"ПОЗиС" акционерлык җәмгыяте (POZIS Ростех дәүләт корпорациясенең "Техмаш" фәнни-производство комплексына керә) инжиниринг өлкәсендә проектларны тормышка ашыручы иң яхшы хезмәткәрләргә рәхмәт хатлары һәм акчалата премия тапшырды.

Инжиниринг өлкәсендә килешүләрне үтәү барышы һәм нәтиҗәләренә багышланган икътисади-техник совет та булды мондый матур тантаналы күренеш. POZISның гадәттән тыш перспективалы юнәлеше 2010 елда активлашты. Ул инде ракета, вертолет, авиа һәм суднолар төзелеше һәм сәнәгатьнең башка өлкәләрендәге юнәлешләр буенча предприятие төзегән эре контрактлар буларак үз нәтиҗәләрен бирә. "Узган еллар шуны күрсәтә: POZIS белгечләре теләсә нинди проектны тормышка ашырырга сәләтле. Бурычлар катгыйлана - безнең компетенцияләр дә үсә. Предприятие производствоны модернизацияләүне дә, кадрларны системалы әзерләүне дә мөстәкыйль тормышка ашыра, бу исә планлы үсәргә һәм партнерларга иң файдалы шартлар тәкъдим итәргә мөмкинлек тудыра, - дип ассызыклады компаниянең генераль директоры Радик Хәсәнов.

Чарада белгечләр хисаплар ясады, киләчәккә планнары белән уртаклашты. Иң яхшы белгечләр грамоталар һәм акчалата премияләр белән бүләкләнде.

Эмилия Хәбибуллина.

Рәсемдә:

Предприятиенең генераль директоры Радик Хәсәнов һәм профсоюз лидеры Константин Антипов инженерлык үзәгенең электроавтоматика һәм электр җиһазлары бүлегенең әйдәп баручы программисты Елена Крылованы котлый.