Яшел Үзәндә гает намазы 13 майда 4:05 сәгатьтә башлана

"Тарихи" мәчеттә гаять зур төзекләндерү эшләре бара, һәм, кызганычка каршы, аны гаеткә кадәр төгәлләргә өлгермиләр.

- 13 май көнне 2:30 сәгатьтә мәчетләрдә иртәнге намаз укыла, шуннан соң Коръән уку башлана, вәгазь сөйләнә. Гает намазлары иртәнге 4:00 сәгатьтә башлана, ул якынча 4:30 сәгатьтә төгәлләнәчәк, - ди Яшел Үзән районы мөхтәсибе Габделхәмит хәзрәт Зиннәтуллин.

Татарстан мөфтие Камил хәзрәт Сәмигуллин катнашында Ураза гаете вәгазен сез "Яңа гасыр" каналында 6:00 сәгатьтә тыңлый аласыз. 6.30 сәгатьтә гает намазы була, дип хәбәр итә ТР Диния нәзарәте матбугат хезмәте. Интернет-трансляцияне ТР Диния нәзарәте сайтында, «Хузур ТВ» ютуб-каналында һәм «Хузур ТВ»телеканалында карарга була.