Яшел Үзән сөт эшкәртү комбинаты 190 продукция җыелмасын Яшел Үзән бала тудыру йорты һәм хатын-кызлар консультацияләренә тапшырды

- Яшел Үзән сөт эшкәртү комбинаты безнең ветеран-медикларга, табибларга, урта медперсоналга ярдәм итә. Бәйрәм алдыннан сөт җыелмаларын тудыру йорты һәм хатын-кызлар консультацияләре хезмәткәрләре алды. Без комбинатка бик тә рәхмәтле! - ди “Яшел Үзән үзәк район хастаханәсе” ДАССУ баш табибы Татьяна Сабурская.

Исегезгә төшерәбез, 2020 ел дәвамында комбинат Татарстанның медицина учреждениеләренә актив ярдәм күрсәтте - ЗМК продукциясен Казанның балалар ковид госпитале, РКБ һәм Яшел Үзән үзәк район хастаханәсенең вакытлы йогышлы госпитале хезмәткәрләре, Яшел Үзән, Чистай һәм Буа ашыгыч ярдәме табиблары, ДРКБ онкогематологик бүлеге һәм Анжела Вавилова исемендәге Казан хосписы пациентлары алды.