Яшәеш
Яшел Үзән районында пыяла эшкәртү заводы төзеләчәк
2019 елда Яшел Үзән районында «М7» индустриаль паркында пыяла эшкәртү заводы барлыкка киләчәк.
Бу турыда, чүп яндыру заводы төзелеше проблемалары буенча хезмәт төркеме утырышында әйтелде.
Сүз, пыяла күбеге (пеностекло) җитештерү турында бара. Аның пыяла ватыкларыннан торган чималны эшкәртү куәте елына 20 тонна тәшкил итәчәк.
Әлеге заводны төзү планы, ЯҮМР Советы утырышында 2016 елның сентябрендә кабул ителгән, Яшел Үзәннең 2030 елга кадәр үсеш стратегиясенә кергән.
Хәзерге вакытта Россиянең европа өлешендә пыяла эшкәртү буенча бер генә завод бар. Ул Минеральные Воды шәһәрендә урнашкан.
Следите за самым важным и интересным в Telegram-каналеТатмедиа
Нет комментариев