Яшел Үзән районы җитәкчесе Михаил Афанасьев язгы кыр эшләренең барышы белән танышты

Михаил Афанасьев авыл хуҗалыгы предприятиеләре җитәкчеләре һәм механизаторлар белән аралашты. Ул билгеләп үткәнчә, бүгенге шартларда авыл хуҗалыгы турында онытырга ярамый.

«Безнең аграрийлар халыкны азык-төлек белән тәэмин итү буенча мөһим бурычны үти. Алар барысы да үз урыннарында, басуларда эш кайный», - диде район җитәкчесе.

Бүгенгә хуҗалыклар уҗым культураларын тукландыру һәм тырмалау белән шөгыльләнә, язгы кыр эшләре гадәттәгедән иртәрәк, һава шартларына бәйле рәвештә башланды, дип хәбәр итә район советының матбугат хезмәте.