Яшел Үзән "ПОРТ" яшьләр үзәге җитәкчесе вазыйфасына 18 кеше дәгъва кыла

Дәгъвачыларның 90 проценты тирәсе - Яшел Үзән районында яшәүчеләр, кандидатлар арасында Казан, Менделеевск һәм Әлмәт вәкилләре дә бар. Һәр мөрәҗәгать итүче үз тәҗрибәсе белән уртаклашты һәм Яшел Үзән яшьләр үзәген үстерүнең үз концепциясен тәкъдим итте.

- Кеше яшьләр үзәгендә нинди актуаль юнәлешләр булырга тиешлеген, аның фикеренчә, ни өчен Яшел Үзән өчен актуаль булуларын, бу фикерләрнең үз тәҗрибәсенә яки сораштыруларга, эш форматына һәм программа юнәлешенә таянуын күз алдына китерү мөһим. Шулай ук, мотивацияне, вазыйфаны сайлауның нигезлелеген, сөйләм культурасын, лидерлык сыйфатларын, командада эшли белүен карыйбыз. Эш тәҗрибәсе төп критерий булып тормый, әмма яшьләр үзәге - зур системалы эш, шул исәптән объект, территория белән хуҗалык эшчәнлеге, шуңа күрә әлеге моментларны да исәпкә алабыз, - дип аңлатты Татарстан Республикасы Яшьләр үзәге директоры, «Татарстан Республикасында яшьләр үзәкләрен реновацияләү» программасы кураторы Валентин Шихобалов.

Әңгәмәләрнең ике этабын уздырганнан соң финалистлар билгеләнә, алар белән кабат әңгәмә уздырачаклар. "Порт" яшьләр үзәге директоры вазыйфасына конкурс җиңүчесен август уртасында атаячаклар. Яшьләр үзәге эшен октябрь башында башлап җибәрергә ниятлиләр.