Ярдәм якында гына

Шәһәр волонтерлык үзәгенә пенсионер Пелагея Николаевна мөрәҗәгать итә. Ул үзе генә яши, пандемия шартларында өйдә калуны өстен күрә һәм көндезге ашны әзерләргә азык-төлек китерергә кешесе юк икән.

Аңардан бу мәгълүматны Яшел Үзән шәһәре Советы депутаты, "Бердәм Россия" партиясе әгъзасы, “Гаринске-2” беренчел бүлекчәсе секретаре Альбина Динмөхәммәтова кабул итә. Ул исемлек буенча азык-төлек сатып ала һәм күрсәтелгән адрес буенча китерә.

- Коронавирус өлкән яшьтәгеләр өчен бик зур куркыныч тудыра. Шуңа күрә өлкән буынга ярдәм итү аеруча мөһим. Без, волонтёрлар, үзе турында кайгырта алмаган кешеләрнең үтенечләренә бик тиз җавап бирәбез, - дип сөйләде Альбина Рапхатовна.

Өлкән яшьтәге яшел үзәнлеләрнең гаризаларны 8(84371) 4-01-56 телефоны буенча "Рэхэт" үзәге кабул итә, алга таба алар Яшел Үзән районы яшьләр эшләре бүлегенең волонтерлык үзәгенә тапшырыла @odm_zmr.

Сәламәт булыгыз! Үзегезне һәм якыннарыгызны саклагыз!