Украина армиясе әсирләрен Россия ягыннан махсус операциягә кертергә мөмкиннәр

Бу хакта Россия Дәүләт Думасы депутаты Юрий Швыткинга сылтама белән «Лента.ру» сайты яза. Депутат фикеренчә, элекке хәрбиләр ант кабул итәр алдыннан махсус тикшерү уза, шуңа күрә аларның Украина ягына күчү куркынычы аз, дип хәбәр итә «Московский комсомолец» басмасы.

«Мин мондый тәкъдимне хуплыйм. Гаепләрен таныган хәрби әсирләрнең Россия Кораллы көчләре ягында булуы һәм хәрби хәрәкәтләрдә катнашуы дөрес. Моны дөрес дип саныйм», – дигән депутат.

Аның сүзләренчә, Украина армиясенең элеккеге хәрбиләренең каршы якка да күчү куркынычы бар, һәм моны тулысынча инкарь итеп булмый.

Бүген Богдан Хмельницкий исемендәге батальондагы украиннарның Украина Кораллы көчләренә каршы беренче бәрелешкә керүе турында да билгеле булды.

Тулырак: Интертат: иң популяр татар сайты