ТР Президенты: "Бу мәйданчыкка мин зур өметләр баглыйм"

Президент үз чыгышында берничә тапкыр Яшел Үзән районын билгеләп үтте. Һәм "Яшел Үзән" ТОСЭР компаниясенә аерым игътибар бирде.

– Безнең партнерларыбызга - Вайлдберриз, Озон компанияләренә рәхмәт, алар кирәкле инфраструктураны актив рәвештә булдыра. Бу - безнең бизнес өчен яңа мөмкинлекләр, республикабыздан читтә продукциябезне алга этәрүгә җитди ярдәм. Интернет-сәүдә инструментларын активрак кулланырга кирәк.

Шулай ук Татарстан Президенты Зөя мультимодаль логистик үзәге территориясе үсеше белән дә зур перспективалар бәйли.

- Монда документлар пакетын кабул итәргә кирәк һәм кайбер резидентлар инде эшкә керешергә әзер. Бу зур мәйданчык булачак. Мин аңа зур өметләр баглыйм, - дип ассызыклады Рөстәм Миңнеханов.

ЯҮМР матбугат хезмәте